Povu Uza Liafuan Otonomi Fahe Malu, Taur Husu Haluha Problema Pasadu

CASA- Liafuan Otonomia no Ukun rasik Aan kontinua Hafahe povu iha Suku Casa Postu Adiminstrativu Ainaro Vila, kuandu mosu Problema tan nee sira husu Prezidente hodi fo mensazen ruma ba Komonidade sira.

Tuir Xefi Suku Casa Antonio da Costa Carvalho fo sai liafuan nee wainhira halao Dialogu ho Prezidente Republika Taur Matan Ruak, katak Problema tinan 1999 nebe mosu Pro Otonomista no Indenpensia kontinua Akontese iha Suku Cassa.

Ita koalia kona ba Politika iha 1999 hosi luta nia laran halo balun agora ema okupa pro-otonomia no Milisi nia rai, tuda ema Eis Pro otonomia ho milisi nia uma no gosta tolok no trata otonomia sira sei akontese iha suku nee,” dehan Antonio wainhira Fo sai Profile Suku Cassa durante Dialogu ho Prezidente Tersa (28/04/2015).

Iha fatin hanesa Prezidente Republika Taur Matan Ruak hatete Vizita nebe maka iha atu rona povu ninia prekupasaun, tamba Timor Leste atu ba oin, Timor oan hotu tenki unidade no kontribui ba Prosesu dezemvolvimentu. Informasaun kompletu iha STL Jornal no STL Web, edisaun Kinta (30/4/2015).

Related Blog:

1. Article Timor Leste

2. Vaga Servisu Timor Leste

3. Noticias International

4. Financas Timor Leste

HANITA Husu Muda Modalidade Operasaun, Membru Prinsipal KRPM/FM Entrega A’an

Membru Prinsipal KRPM/FM Domingos Boavida alias Coboy foto hamutuk ho membrus sira seluk

Dili, Tempo Semanal - Komando Operasaun Konjunta HANITA konsege konvense membru principal ida husi Konsello Revolusaun Povu Maubere/FRETILIN  Movimentu (KRPM/FM) ne’ebe lidera husi Mauk Moruk entrega ninia a’an iha kalan mais ou menus tuku 21 Oras Timor-Leste.

Tuir informasaun ne’ebe Tempo Semanal rekolla informa katak Membru principal husi KRPM/FM ne’ebe entrega ninia a’an ba Komando Operasaun Konjunta hamutuk ho eskuadra ida husi Polisia Militar F-FDTL iha suku samalaria aldeia Lalulai ne’ebe marka mos prezensa husi   F-FDTL, Constantino  no husi Polisia Militar lidera husi kapitaun Francisco netto.

“Nia entrega a’an tan ba problema ninia saude no udan mos kondisiona maka nia entrega a’an. Razaun ida seluk fali tan ba baze ne’ebe sira hodi subar ba ne’e ita destroy total iha dia 07-08 de Abril liu ba. Ho kondisaun rua ne’e halo kom ke nia bele kontaktu ita nia ligasaun ne’ebe hodi kalan nia entrega a’an mai ita nia ligasaun no liu-liu ekipa husi kaxa Militar Prezidensia da Republika nune’e hodi kalan (20’04) sira atu lori liu ba Dili mas Prezidenti mos telefone mai dehan tan ba lala’ok sira ne’e hasoru lei ne’ebe dehan ami entrega ba polisia investigasaun ninian. Nune’e maka ohin (21/04) dadersan ami entrega ba Polisia investigasaun criminal no agora nia iha hela detensaun setenta duas oras iha sela polisia ninian”, informa husi komandante Operasaun HANITA, Tenente Koronel, Manuel Freitas alias Mau Buti.

F-FDTL ho PNTL iha ona esperiensia kona ba operasaun militar hasoru grupu sira ne’ebe hamosu intabilidade iha nasaun ne’e hanesan operasaun Halibur iha 2008 hodi reintegra fali eis petisionarius sira ba iha sira nia sociedade nune’e wainhira mosu fila fali problemas KRPM/FM iha fulan Marsu 2015, Governu.

“Operasaun ne’ene ami uza microphone ami ko’alia no medidas aproximasaun  bolu para atu mai maibe tuir sira ne’ebe ami ka’er ne’e sira dehan tauk atu mai tan ba tauk liu maka polisia. Nune’e ha;u tenta hateten ba sira katak polisia hirus tan ba hori bainhira  sira hetan kanek no mate mas agora ami la’o hamutuk de’it ne’ebe sira sei la halo arbiru. Ne’ebe ami sei halo apello ne’e iha fatin-fatin para depois sira (membru KRPM/FM subar iha ai laran) ne’eba ne’e bele tun”, esplika komandante Operasaun HANITA.

Tuir Komandante Veteranus FALINTIL tinan eua nolu resin ha’at iha rezistensia Armada, Maubuti haktuir katak iha loron Tersa Feira (21’04) membru grupu Mauk Moruk ninian nain rua tan maka entrega a’an.

 “Ida Watucarbau ba apreznta a’an ba ita nia forsa sira iha Ira Bere no ida seluk mai entrega a’an ba ita nia adjunto ligasaun iha foho be lori tun mai ne’ebe sira hotu agora sei tuir hela prosesu investigasaun”, Maubuti inform aba Tempo Semanal iha loron sorin 21/04/2015.

Iha parte seluk Coboy ne’ebe entrega a’an iha segunda Feira kalan (20/04) hetan ona ninia advogadu ida husi defesoria Publiku FR. Jose De Lima no ninia advogadu hamutuk ne’e ho parte komando operasaun konjunta no mos polisia investigasaun lori kedan sus[eitu ba iha Ospital Baukau hodi hetan tratamentu ba nia saude.

“Hanesan ne’e, nia oin esplika depois de halo teste mediku ne’e nia dehan katak nia sempre ba soe be’e bo’ot, nia sempre hetan ran. Problema ida ne’e dala ruma halo nia oin halai, nia forsa laiha ne’ebe ohin ami hamutuk ho forca, ami lori kedas nia ba Ospital para hodi hetan tratamento”, dehan advpgadu DR. Jose de Lima ba Tempo Semanal.

Iha loron Tersa Feira (21/04) dadersan Advogadu husi parte Coboy ninian ezije ba iha parte seguransa no Komando Operasaun konjunta hodi lori kedan ninia kliente ba iha Ospital Referal Municipio Baukau hodi hetan check up no hetan tratamentus antes submete ba iha investigasaun ne’ebe halo husi PNTL parte investigasaun criminal.

“Agora hanesan ne’e, prosidemento ha’u koalia ona nia no nia kondisaun, tuir doutor  ka medico forca nian dehan katak nia  sofre hela moras be agora daudauk ami akompania  hela nia mai hela Ospital para halo hela tratamento ba nia”, advogado ne’e ba Tempo Semanal wainhira akompania hela ninia kliente ne’ebe halo hela tratamentu iha ospital Baukau (21/04).

Hafoin de tratamentu remata pesoal husi defensoria publiku ne’e relata liu tan katak, “Ohin ami ezije tenke lori ba Ospital nune’e ami halo koordenasaun ho  prokupador no parte hotu-hotu konkorda para pelumenus ne’e ninia saude importante. Entaun saude tiha lai maka ita lori nia ba submete processo mas se saude lapremite ita labele obriga”.

Nia Haktuir katak Doitor espesialista ne’ebe kuinesidu iha Timor Leste ne’ebe hala’o ninia kna’ar iha Baukau maka halo tratamentu no advogadu ne’e dehan ninia kliente ninia saude di’ak hela.

“Ohin Doutor metan maka langsung atende kedas nune’e en prinsipiu ninia saude di’ak”, informa husi Coboy ninia advogadu wainhira fo intervista ba Tempo Semanal.

Hafoin lori tiha ba hetan tratamentus mediku refere autoridade Polisia Investigasaun Kriminal lori hikas Coboy ba iha kuartel PNTL Municipio Baukau akompania husi ninia advogadu hodi tuir prosesu investigasaun.

“Agora dau-daun nia iha hela polisia ninian ne’ebe agora nia sei tama hela ba iha procesu investikasaun”, relata Advogadu Delima.

DR. Jose Delima dehan ninia parte sempre akompania ninia klientes iha momentu investigasaun ninian.

“Ha’u sempre iha ninia sorin akompania hela”, dehan Advogadu husi defensoria publika ne’e.

Advogadu husi suspeitu membru Konsello Revolusaun Maubere, Coboy konfirma katak Mauk Moruk ninia membru ne’e entrega a’an ba Komando Operasaun Konsjunta HANITA iha kalan 20/04/2015 iha aldeia Lalulai.

 “hau nia hare hanesan ne’e, pronto ida ne’e, versaun husi forca nian koalia. Mas hau nia hare nia rasik koalia ho ha’u dehan katak nia hakarak atu kopera ho operasaun konjunta tan ba ida ne’e maka nia dehan ba ha’u hodi nia tun mai. Maibe alien de ida ne’e mos ninia saude mos la permite.”

“Agora ne’e provizoriamente iha hela prosesu invetigasaun ninia laran, orsida  apresenta ba tribunal tuir primeiru interogatoriu depois ita hare took ninia provas sira maka iha no ninia deklarasaun ne’ebe ke nia hatoo foin ita deside hodi defende oin sa”, hateten advogadu ne’ebe orijin husi duni municipio ne’ebe kuinesidu ho kuligisa ne’e.

Daudaun ne’e advogado nain ida de’it husu defensoria publika maka akompania hela prosesu inkeretu ba senor Domingos Boavida alias Koboy ne’ebe halo husi unidade polisia investigasaun kriminal iha Distritu Baukau.

“Iha kazu barak maka akontese iha tempu uluk ne’e husi defendoria publika delega ba ha’u de’it maka ka’er no barak maka liberta tiha ona nune’e kazu ida ne’e mos  karik ha’u de’it maka ka’er nafatin no se presiza ha’u sei husu aijuda liu tan ba ha’u nia kolega sira atu halo ekipa ida para hodi akompania.
Tuir Observasaun advogadu ne’e hahu ona ninia servisu iha defensoria municipio Baukau dezde 2010 ate agora, no fo asistensia barak ona ba ema sira ne’ebe ba Timor oan barak no ninia esforsu dala barak konsege kiberta suspeitu barak husi kadeia.

“Tuir ha’u nia hare atu lori ba submete ba iha julgamentu primeiru Interogatoriu ne’e se la’os aban entaun bain rua komesa sura husi hodi kalan.
Advogado ne’e konfirma katak ninia kliente entrega a’an ba komando operasaun konjunta HANITA iha tuku 21` Oras Timor-Leste iha area laga ninian.
“Senor Koboy tuir ninia ko’alia ho ha’u dehan hakarak kontribui ba operasaun konjunta no hakarak submete ba prosesu justice”, informa Advogadu de Lima.
Iha Parte seluk Brigadeiru Jeneral F-FDTL, Filomino Paixao deklara iha konferensia de imprensa ne’ebe hala’o iha Kuartel F-FDTL Fatu Hada Dili (21/04) deklara katak Komando Operasaun hahu izola daudaun Mauk Moruk maske sei susar atu kaptura maibe iha segundu faze de Operasaun Konjunta ne’e iha muda modalidade husi persusivu ba modalidade ne’e to’os ninian.

“Ohin halo fulan ida, ami atu hetan diretiva politika para muda modalidade ba operasaun I klaru ke kuandu muda modalidade antes ke tama ba iha segunda faze ne’e ami sei tama ho asaun maka’as liu ho koersaun mos maka’as nune’e ami sei la uza tan persuasaun ona. Ami sei atua tuir mandatu, se mandatu ne’e klaru maka ami sei atua tuir mandatu ne’e para depois ita bele aselera I ami espera iha segunda faze ne’e, operasaun ne’e bele termina ho sucesu”, hateten Jeneral fitun ida iha instituisaun de Defesa Estadu Timor-Leste ne’e.

Tuir Dadus husi komando Operasaun Konjunta rejizta katak total membru KRPM/FM ne’ebe hetan kapturasaun no rende dezde operasaun HANITA lansa iha 21/03/2015 ate loron 20/04/2015 total hamutuk ema nain234 pesoas hetan identifikasaun, Husi ema sira ne’e nain tolu tama ona iga Prizaun Preventivas, suspeitu nain 21 hetan Termus de Indetidade Rezidensia, ema nain 11 maka hetan ordem hodi halo aprezenta periodikamente ba polisia nia servisu fatin no sira seluk sempre hetan identifikasaun durante oras sanolu resin rua nia laran.

Related Blog:

1. Article Timor Leste

2. Vaga Servisu Timor Leste

3. Noticias International

4. Financas Timor Leste

Timor-Leste hakarak investidór sira no la’ós "brankeadór sira" hosi kapitál - PM

Timor-Leste hakarak atrai investidór sira no la’ós brankeadór sira no sei manten "polítika tolerénsia zero" kontra prátika krime korrupsaun, brankeamentu no krime asosiadu sira seluk, dehan ohin xefe Governu.

"Brankeamentu hosi kapitál maka meiu ida hodi subar tiha krimi barak seluk, maka hanesan korrupsaun, flagelo ne’ebé afeta ita ninia país. Atu kombate, hasai maskara no kastigu sira ninia autór maka prioridade", dehan Rui Maria Araújo.

"Nasaun ida ne’ebé aspira ba dezenvolvimentu ne’ebé justu no sustentável labele aseita korrupsaun no halakon osan. Timor-Leste hakarak atrai investidór sira la’ós brankeadór sira. Negósiu sira no investimentu lejítimu maka kontribui ba kriasaun empregu, sustentabilidade, kriasaun riku-soin no ba prosperidade nasaun nian. Ida ne’e maka ami hakarak", afirma.

Primeiru-ministru ko’alia bainhira hahú hala’o semináriu ida, iha Díli kona-ba prevensaun no kombate ba brankeamentu kapitál no ba finansiamentu terrorizmu, organizadu hosi Prokuradoria-Jerál Repúblika.

Rui Araújo dehan katak Governu iha "polítika toleránsia zero ba prátika krime hirak ne’e" ne’ebé konsidera sai kauza "valór fundamentál sira iha sosiedade", hanesan demokrasia, solidariedade, justisa no seguransa interna.

Tanba ne’e, hatudu katak, ninia ezekutivu sei fó kontinuidade no atu hadi’a esforsu no mekanizmu sira hosi prevensaun, kontrolu no kooperasaun ne’ebé kontribui ba protesaun nasaun nian.

"Ida ne’e maka luta ida ne’ebé laiha ema ida atu bele manán mesak. Brankeamentu kapitál akontese iha kualkér parte iha mundu, iha nasaun dezenvolvidu sira ka iha nasaun sira ne’ebé sei iha hela prosesu dezenvolvidu. Nasaun sira ne’ebé fraku liu maka sai hanesan alvo preferensiál ba realizasaun krime hanesan ne’e tanba ne’e fasil akontese ba motivasaun máxima hosi sira ninia autór: lukru", afirma.

"Ami lebele bosok. Nasaun ida ne’ebé fásil atu halo brankeamentu kapitál maka nasaun ida ne’ebé sei atrai korruptu no kriminozu sira seluk", nia haktuir.

Xefe Governu kompromete atu uza "hosi múltipla dimensaun hosi asaun governativa, iha planu lejislativu, hosi seguransa, defeza, polítika externa ká finansas", ho "polítika konsertada" ne’ebé ajuda atu prevene ameasa hirak ne’e.

Timor-Leste, hatutan katak, iha kuadru legál ida ne’ebé adekuadu no sei hametin, hosi instituisaun sira - PNTL, PCIC no CAC – ne’ebé sei serbisu hamutuk hanesan "komponente esensiál sira hosi prevensaun" hosi tipu krime ne’e.

Interven iha enkontru ne’e, Hernâni Coelho, xefe diplomasia timoroan - no prezidente Komisaun Nasionál Kombate ba Brankeamentu Kapitál no Finansiamentu Terrorizmu, kria iha tinan 2014 – destaka ona ba importánsia koordenasaun nian iha kombate ba krime sira ne’e.

"Importante tebes hatu hadi’a koordenasaun ba nível nasionál ho interveniente sira seluk hosi hadi’a sira ninia kapasidade hodi bele hadi’a di’ak liu atu hatán ba dezafiu sira hosi krime hirak ne’ebeé destruidór sosiedade no sira ninia emar", dehan.

Coelho fó hanoin katak métodu sira hosi autór krime sira ne’e sai maka’as liu tan, tanba ne’e sai hanesan "ameasa real independentemente hosi ninia prezensa jeográfika" no impatu hosi kriminalidade ne’e reprezenta ona 1,5% hosi PIB mundial.

Enkontru ne’e, entre sira seluk, ho partisipasaun hosi ministru Justisa, Ivo Valente, no Interior, Longuinhos Monteiro.

Sei iha mós intervensaun sira hosi prokuradór-jerál José Ximenes, deputadu sira, hosi o governadór Banco Central de Timor-Leste (BCTL), Abraão de Vasconselos no hosi diretór BNU iha Díli, Fernando Torrão Alves.

Enkuadramentu legál, polítika no estratéjia sira hosi Banco Central no esperiénsia prátika sira iha setór bankáriu nomós tema sira ne’ebé debate iha semináriu ne’e.

Related Blog:
1. Article Timor Leste
2. Vaga Servisu Timor Leste
3. Noticias International
4. Financas Timor Leste

Problema ho profesór portugés sira iha Timor-Leste kontinua maski halo ona promesa sira

Profesór portugés sira hosi eskola referénsia iha Timor-Leste seidauk simu komplementu salarial hosi dezembru, maski Governu timoroan halo ona promesa beibeik katak rezolve ona situasaun ne'e.Eskola referénsia iha Díli, Timor-Leste. Foto hasai iha loron 25 fulan-Jullu 2014. EPA@ Paulo NovaisProfesór na'in tolu hato'o sira nia situasaun ba Lusa, esplika katak funsionáriu timoroan sira hosi eskola hanesan simu ona sira nia saláriu hirak ne'ebé tarde ne'e.
"Informasaun ne'ebé fó mai ami mak ami sei simu iha segunda semana fulan maiu. Sira hatete problema agora mak iha Finansa no la'ós iha Ministériu Edukasaun", dehan profesór ida ba Lusa.
Profesora seluk esplika "situasaun dramátika" ne'ebé akontese ba dosente balun maski laiha osan hodi bele ba médiku - sira tenke selu uluk molok fó fila fali hosi osan seguru nian.
"Díli la'ós sidade baratu. Ami tenki selu uma no ami gastu sira iha ne'e no osan saláriu nian iha Portugal la to'o ba despeza sira iha ne'ebá no iha ne'e", nia subliña.
Ana Bessa, koordenadora portugeza ba projetu ne'e, rekuza hodi halo deklarasaun ruma ba Lusa, afirma katak la hatán telefone pesoál, ba ida ne'ebé nia kontaktu ba, rekuza hodi fó ninia kontaktu "ofisiál".
Atrazu iha nafatin fulan ida depois Ministériu Edukasaun timoroan fó sai iha komunikadu ida ba Lusa, katak sei selu verba sira atrazu ba remunerasaun no regalia salariál sira seluk hosi traballadór nasionál no estranjeiru sira.
Iha komunikadu ne'e, 26 marsu, tutela refere katak atrazu konstitui situasaun ida "transversál ba entidade Estadu nian hotu-hotu" iha pagamentu "remunerasaun no regalia salariál sira seluk relasiona ba prestasaun servisu nasionál no internasionál, inklui komplementu remuneratóriu".
Iha 17 abril liu ba, ministru Edukasaun portugés, Nuno Crato halo vizita ida iha Timor-Leste, hatete katak problema ne'e ho tan sira seluk ne'ebé eziste iha kooperasaun entre Portugal no Timor-Leste iha área edukasaun sei rezolve.
"Iha kompromisu ida hosi parte governu Timor-Leste hodi aselera lalais problema hirak ne'e, rezolve lalais problema ne'ebé akontese no fó atensaun liu hodi problema sira ne'e bele rezolve ho lais liutan karik akontese fila fali", dehan ba Lusa.
Kona-ba asuntu ne'e, Crato hatete ba hotu-hotu "esforsu tebes hodi rezolve situasaun ne'e" no nia rasik rona "kompromisu parte Governu timorense katak situasaun ne'e sei rezolve iha tempu badak".
Eskola referénsia sira sei hasoru atrazu hanesan ba profesór sira na'in 50 hosi Portugal mai Timor-Leste ne'ebé kontratdu ona iha setembru tinan kotuk no seidauk to'o iha Díli.
Husu kona-ba atrazu hodi haruka profesór sira, Crato hatete katak dala ruma "problema ida koordenasaun ne'ebé tenke rezolve", hatete "ho empeñu hosi señor primeiru-ministru Timor-Leste nian atu rezolve".
Ministru Edukasaun portugés, iha finál fevereiru, justifika ona ba Lusa kona-ba atrazu ho mudansa Governu Timor-Leste no aponta fulan marsu hanesan data ne'ebé provável ba dezlokasaun dosente sira ne'e.x

Related Blog:

1. Article Timor Leste

2. Vaga Servisu Timor Leste

3. Noticias International

4. Financas Timor Leste

Primeiru-ministru simu responsável sira ba empreza telekomunikasaun nian

Primeiru-ministru horisehik, simu responsável sira hosi operadór telekomunikasaun tolu ne'ebé opera iha merkadu Timor-Leste nian, Timor-Telekom Timor-Leste nian, Telkomsel Indonézia nian no Telemor Vietnam nian.

Foto: Samuel Soares @SAPO TL

Fonte hosi setór hatete ba Lusa katak reuniaun sira presta ba xefe Governu hodi inteira situasaun empreza telekomunikasaun sira ne'ebé opera iha merkadu Timor-Leste.

Ekontru hala’o iha momentu ne'ebé Governu Timór kontinua estuda posibilidade hodi mantein, ho ninia investimentu no asionista privadu empreza nian, Timor Telekom (TT) hanesan "ativu timor nian" ida.

"Ita tenke halo esforsu maka’as hodi mantein ativu ne'e iha Estadu Timor-Leste", hatete foin lalais ba Lusa ministru Obras Públikas, Transporte no Telekomunikasaun Timor-Leste, Gastão de Sousa.

"Solusaun di'ak maka sai ida de'it, entre asionista privadu no Estadu", nia afirma, refere katak sei buka asuntu ne'ebé debate ona iha reuniaun Kosellu Ministru iha semana oin.

Asionista privadu TT nian barak maka movimenta hodi tenta garante katak investidór timor sira no Estadu rasik hola parte ba operadór agora daudaun ne'ebé kontrola hosi PT no OI hakarak alinea.

Iha fulan-Fevereiru ikus Lusa fó sai interese ba investimentu Fiji nian hodi hola parte balun hosi PT, aprezenta ona ba OI oferta ida no la hatene nia  valór.

Iha kauza kapitál bo'ot sorin TT nian (54,01%), kontrola hosi sosiedade Telekomunikasaun Públika Timor nian (TPT) agora PT kontrola ho kapitál 76%.

Asionista sira seluk TPT nian hanesan Fundasaun Harii - Sosiedade ba Dezenvolvimentu Timor-Leste nian (liga ho dioseze Baucau) ne'ebé kontrola 18% no hosi Fundasaun Oriente 6%.

Iha TT kapitál fahe entre TPT (54,01%), Estadu timoroan (20,59%), empreza ho sede iha Makau VDT Operator Holdings (17,86%), emprezáriu timoroan Julio Alfaro (4,49%) no PT partisipasaun SGPS (3,05%).

Kalkulu sujere katak iha 2012, "tinan di'ak" operadór nian, empreza bele iha valór entre millaun euro 200 no 250 no agora valór bele ronda entre millaun euro 90 no 110.

Iha parte bo’ot valór tun ba konkorente rua ne'ebé tama iha merkadu, Indonézia Telkomsel no Vietnam Telemor.
Related Blog:
1. Article Timor Leste
2. Vaga Servisu Timor Leste
3. Noticias International

4. Financas Timor Leste

Problema Rai Kontinua As, Tanba Lei Rai La Klaru

Problema rai entre komoniade kontinua as ba bebeik nomos kria konflitu iha komonidade nia let, tanba too oras nee lei ba rai seidauk klaru.

Tuir Diretor Ezekutivu Organijasaun Non Govermental Asosiasaun HAK, Manuel Monteiro, ba STL iha ninia servisu fatin Farol Sesta (24/04) husu ba governu atu aseleira lalais liu hosi sosializasaun ba lei rai nian, tanba maioria iha municipiu hotu infreta problema rai.

Problema rai kontinua akontese iha fatin-fatin kuaze iha municipiu tomak tanba nee ami husu ba governu tenke aseleira lalais liu hosi halo sosializasaun ba esbolu lei rai nebe mak kaduka hodi bele produs lalais proposta lei ba Parlamentu atu diskute hodi bele define lolos rai atu nune bele minimija disputa rai nebe mak kontinua akontese,” hatete Manuel.

Iha fatin ketak tuir Diretor Ezekutivu ONG Fontil, Arsenio Pereira, mos hatete lei nee rasik mos kaduka tan ona iha PN tanba iha tinan kotuk PN hatoo ona ba iha Prezidente Republika maibe Prezidente rasik veta.

- See more at: http://suara-timor-lorosae.com/problema-rai-kontinua-as-tanba-lei-rai-la-klaru/#sthash.vbhzf3FU.dpuf

Kontratu Minarai, PM Rui Simu Esplikasaun Husi ANP

Primeiru Ministru Rui Maria de Araujo, simu esplikasaun husi Autoridade Nasional Petrolium (ANP), konba kontratu mina husi kompania internasional sira. Antes simu esplikasaun konaba kontratu mina, Primeiru Ministru halo update serbisu saida maka hola parte ba ANP, institusaun too iha funsaun regulador sira. Husi ANP esplika konba reguladora, koalia konaba kontratu nebee maka sira iha, minarai sira neebe TL iha ho kestaun hotu-hotu relasiona ho operasaun minarai nia iha rai laran. Xefi Governu mos nota konaba dezenvolvementu ANP, prosesu timorisasaun neebe sira iha katak husi 2008 too Dezembru, sira hahu ho ema estrageru maka barak iha pozisoes nebee importante. Maibee agora atinzi duni, tamba dumina ho funsionariu Timor oan. Remata update ba servisu ANP, Prezidente ANP Gualdino do Carmo da Silva katak operasaun minarai, sira koalia konaba kontratu nebee maka iha no esplorasaun, sira mos koalia konba aktividades produsaun nebee lao, sira mos update ba PM konaba potensia minarai nebee TL iha no programa ba oin. Informasaun kompletu iha STL jornal no STL Web, edisaun Kinta (23/4/2015). - See more at: http://suara-timor-lorosae.com/kontratu-minarai-pm-rui-simu-esplikasaun-husi-anp/#sthash.ahMG8E2E.dpuf

Kontra Estadu, Veteranus Lakon Nia Direitu

Veteranus neebe maka involve iha asaun krime hodi kontra estadu, lakon sira nia direitu ba pensaun, tamba nee veteranu tenki fo kontribuisaun ba prosesu dezenvolvimentu ba rai ida nee.

Tuir Deputadu Virgilio da Costa Hornai, Veteranu nebe komete krime hodi kontra estadu sei lakon ninia subvensaun no governu nia konesementu estatutu veteranus sei la iha.

Hau la preserve lei estatutu veteranu iha artigu hira, maibe nia ativu nee, se veteranu ida mak komete krime ruma no ikus mai prosesu judisial ba sira, maka sira iha ona pena, nee sira nia direitu ba subvensaun nee lakon, no koinesemnetu governu nia ba sira veteranu ne mos lakon no la iha,” dehan Deputadu Virgilio ba STL iha PN, Kuarta (22/04/2015).

Iha sorin seluk Adjuntu Interino Konselu Veteranu Municipiu Dili Aquilis Soares-Lay hatete, membru nebe intrega aan hanesan Coboi, tempu rezistensia nia mos partisipa iha funu libertasaun. Informasaun kompletu iha STL jornal no STL Web, edisaun Kinta (23/4/2015).

- See more at: http://suara-timor-lorosae.com/kontra-estadu-veteranus-lakon-nia-direitu/#sthash.GnEJV3Sg.dpuf

Estadu aloka osan Millaun 2 ba Falintil-Forsa Defeza Timor-Leste (F-FDTL) ho Polisia Nasional Timor-Leste (PNTL) hodi halao operasaun konjunta ba Mauk Moruk ho nia grupu, maibe osan nee estraga deit, tanba operasaun nee too agora laiha rezultadu.

“Operasaun HANITA halao husi forsa rua, hasoru grupu kriminozu nebe lidera husi Paulino Gama alias Mauk Moruk. Kuaze fulan ida ona maibe laiha rezultadu, tanba seidauk kaptura Mauk Moruk ho nia elementus importante. Ida nee hatudu katak operasaun la seriu no estraga osan estadu nian deit,” katak Akademiku Evangelino da Costa Hornay ba STL iha Kam­pus Universidade Dili (UN­DIL), Sabadu (18/04/2015).

Nia hanoin, operasaun hasoru grupu kriminozu nebe lidera husi Mauk moruk, husi parte akademiku sira deskonfia iha politika foer, tanba nee too agora seidauk deit kaptura Mauk Moruk ho nia elementus importante sira nee. Forsa sira ba kaptura fali povu sira nebe laiha sala, hodi halo troturasaun, nee hatudu katak forsa sira kontinua kontra direitus umanus.

Akademiku nee mos haree katak, semana-semana koman­dante husi forsa rua sempre hatoo relatoriu opersaun nia ba Governu, maibe hanesan deit, tanba implementasaun opera­saun iha terrenu zero.
,

Iha parte seluk, Deputadu Bankada CNRT, Cesar Valente dehan, publiku tenke hatene no tetu didiak katak, osan 2 Milloens aloka ba operasaun konjunta ba ema sira nebe gosta halo krime nee, laos osan nee PNTL ho F-FDTL halo fali sira nia projetu ka estraga nee laloos.

“Hau hanoin ita tenke analiza didiak osan nee too ka lae ba forsa rihun ida resin nee atu uza durante fulan ida nia laran. Tanba osan nee tama hotu iha hahan nebe sira han hodi halo operasaun konjunta ba grupu CRM ho Mauk Moruk. Osan nee sei uza durante fulan ida tomak iha terrenu, tan nee bainhira atu halo protesta ba osan nee, maka tenke tetu,” dehan Cesar.

Nunee mos Deputadu João Adrino hateten, forsa sira nee fo sira nia aan ba mate, tanba nee osan nebe Governu fasilita ba sira nee sura hotu sira nia hahan, dader, meudia no kalan. Dalaruma sira mos la hetan perdiam tan karik, tan nee labele kritika malu, buat hotu entrega ba forsa sira.

Timor-Leste organiza reuniaun ho nasaun afrikanu sira CPLP nian iha Indonézia

Ministru Negósiu Estranjeiru no Kooperasaun Timor-Leste nian, Hernânio Coelho, fó sai ohin katak sei organiza enkontru ida ho nasaun afrikanu oioin hosi CPLP ne'ebé partisipa iha simeira Ázia-Áfrika iha Indonézia. 

Iha deklarasaun ba ajénsia Lusa iha Jakarta, xefe diplomasia Timor-Leste nian, nasaun ho prezidénsia rotativa CPLP nian hosi kedas jullu tinan kotuk, la avansa loron ida ba enkontru, ne'ebé sei akontese entre loron-kuarta no loron-kinta.

Maski reprezentante sira hosi nasaun CPLP oioin hasoru malu ona iha Jakarta hanesan, Timor-Leste, Angola, Moçambique, Guiné-Bissau no Guiné Equatorial, parte importante hosi simeirua nian sei hahú iha loron-kuarta.

Ideia mak atu aproveita prezensa hosi nasaun oioin hodi aborda "asuntu ne'ebé relasiona ho sekretariadu CPLP nian iha Timor", "loron organizasaun ba Konsellu Ministru nian" sei halao iha tempu badak iha teritóriu timorense no "dala ruma moos aborda asuntu relasiona ona hoa vizaun estratéjika CPLP nian", nia justifika.

Ministru rekuza dehan preokupa hela ho notísia sira foin lalais relasiona ba Guiné Equatorial, hanesan denunsia violasaun ba Karta CPLP ne'ebé halo hosi ONG ba defeza direitus humanus EG Justice, Conectas Direitos Humanos no Human Rights Watch.

"Ne'e kestaun ida relativa, depende ba hanoin ho ema sira ne'ebé ami haree sasan sira ne'e. Agora dadaun, ha'u labele komenta kona-ba situasaun ida ne'ebé hai laiha informasaun atualizada ida koan-ba saida mak akontese dadaun. Se lae ha'u jeneraliza hotu ba momentu ne'e", nia hatete.

Governante hatán katak sei kontaktu autoridade nasaun afrikanu "hodi hatene oinsa buat sira ne'e funsiona, hodi haree realidade nasaun nian no funsionalizmu hotu-hotu".

"Ne'e sai hanesan filozofia ne'ebé ami adopta, hosi envolvimentu laós izolamentu, no agora loos katak buat sira ne'e la akontese loron ida ba loron seluk", defende, hatete katak presiza trata asuntu balun "didi'ak" no "konsidera sensibilidade no prinsipiu universál sira mak regula matéria ne'e".

Agora dadaun, polítiku Guiné Equatorial nian no sekretáriu-jerál Konverjénsia ba Demokrasia Sosiál, Andrés Esono Ondo, hetan detidu durante oras sanulu.

Iha marsu, advogadu Ponciano Mbomio Nvó, ativista direitus humanus iha Guiné Equatoriál, afirma katak seidauk halao kualkér prosesu hodi halakon kastigu ba mate, kontrariu fila fali ba pozisaun ninia Governu nian hamutuk ho instituisaun internasionál sira.

Suspensaun kastigu ba mate hanesan kondisaun ida eziji hodi hola parte iha CPLP, estatutu rasik inkorpora komporimisu ho demokrasi, direitus humanus no justisa sosiál.

Hetan Hau Iha Facebook

PD Prontu Apoiu Hanoin Xanana Ninian, Rui Araujo iha Anin Leten

Partidu Demokratiku nu’udar partidu ne’ebe hetan de’it kadeira walu durante elisaun Parlamentar 2012, nune’e partidu refere ladun iha kbi’it hodi halo negosiasaun politika ho partidu seluk hanesan CNRT ho FRETILIN.

Sa tan tuir surat ne’ebe Primeiru Ministru sesante no hanesan Prezidenti partidu CNRT haruka sai ba lideransa partidu koligasaun  iha loron 04/02/2015 dehan laiha lideransa ida maka di’ak iha partidu tolu iha koligasaun atu simu tongkat lideransa husi PM sesante Xanan  Gusmao.

Nune’e duni hafoin de enkontru ho Prezidenti da Republika sekretariu Jeral Partidu Demokratiku ne’e ho onestu hodi dehan sai pontus tolu ne’ebe tuir Partidu ninia hanoin presiza halo tan ba interese nasional.

“Ami hakarak afirma katak ami fo konfiansa total ba Prezidenti da Republika para atu forma Governu foun tuir Konstituisaun haruka I segundu ami hakarat afirma kata kami iha bloku, pronto simu saida de’it maka  bloku ninia hanoin no bloku ninia idea. Terseiru ami sempre apoiu total ba Maun Bo’ot Kay Rala Xanana Gusmao ninia hanoin, ninia idea ba mudansa ne’ebe akontese”, Hateten Mariano Assanami Sabino hafoin de enkontru ho Prezidenti da Republika iha Palasiu Prezidenti (09/02) lokraik.

Husu kona ba karik apoiu ne’ebe PD fo ba Primeiru Ministru sesante ninia hanoin no ideias, ne’e karik partidu PD mos apoiu no simu proposta husi prezidenti partidu CNRT, Kay Rala Xanana Gusmao hodi indizita DR. Rui Araujo atu assume pasta Primeiru Ministru iha VI Governu.

“Ami la tama ba ko’alia ba iha ne’eba (kandidatura Rui Araujo ba PM) mas ami so hanoin de’it saida maka Maun Bo’ot Kay Rala Xanana Gusmao hanoin”.

Antes ne’e mos Primeiru Ministru sesante haruka uluk ona envelope ba membru governu balun inklui mos Mariano Assanami Sabino no iha parte seluk membru Governu balun Primeiru Ministru V Governu konstitusional husu prepara aan tan ba iha posibilidade atu hetan kna’ar iha Governu foun oin mai.

“Tuir konstituisaun Primeiru Ministru eleitu maka forma ninia dentru do governu depois maka Prezidenti da Republika fo tomada de pose. Se de’it maka avansa I kuandu Maun Bo’ot hanoin, ami sempre asegura ida ne’e,” realsa Sekretariu Jeral PD, Mariano Assanami Sabino.

Mariano Assanami Sabino dehan ninia parte hato’o ona sira nia hanoin no opsaun ba Prezidenti da Republika hodi tetu no hola desizaun.

PM Rui Deklara Riku Soin, Relasiona Ho Konflitus Interese

Primeiru Ministru (PM), Rui Maria de Araujo, deklara riku soin membru Governu nain 37 ba Tribunal Rekursu (TR), relasiona ho konflitus intrese.

Tuir PM Rui katak hanesan Xefi Governu husi VI Governu konstitusional, kumpri buat nebee lei haruka, katak membru Governu sira hotu iha 60 dias atu halo buat nebee lei hateten dehan deklarasaun de intereses.

Iha laran buat barak ita tenki deklara konflitus de interese, sei iha ligasaun ho imprensa ruma ka lae, sei iha ligasaun ruma ho institusaun iha liur, depois deklara mos ita nia riku soin,” hateten PM Rui, ba Jornalista sira, hafoin remata entrega riku soin membru Governu nain 37 nia ba Prezidente Tribunal Rekursu, iha Caicoli, Dili, Kuarta (15/04/2015).

Iha fatin hanesan Prezidente Tribunal Rekursu Guilhermino da Silva hateten iha lei titulares orgaun soberania TL, hateten katak membru Governu depois simu pose, sira iha obrigasaun hatoo deklarasaun konaba sira nia riku soin, ba iha Tribunal supreme Justica. Informasaun kompletu iha STL Jornal no STL Web, edisaun Kinta (16/4/2015).

- See more at: http://suara-timor-lorosae.com/pm-rui-deklara-riku-soin-relasiona-ho-konflitus-interese/#sthash.PjgDw9ae.dpuf

Woodside dehan katak kontinua envolve nafatin ba iha dezenvolvimentu Greater Sunrise

Petrolífera australiana Woodside fó sai katak kontinua envolve nafatin ba iha dezenvolvimentu kampo gás Greater Sunrise nian iha Tasi Timór, tuir informasaun ne’ebé fó sai iha sira-ninia relatóriu trimestrál ne’ebé hanesan akordu “importante” ida entre Timor-Leste ho Austrália. 

@timorleste

Projetu ne’ebé atrazu impase ba iha definisaun fronteira maritime entre Timor-Leste ho Austrália no tanba hanoin lahanesan kona-ba modelu refinasaun – flutuante ka iha rai, sul Timor-Leste – sai hanesan referénsia kiik ida ba iha relatóriu trimester dahuluk tinan ne’e nian.

"Woodside kontinua envolve ho Governu Timor-Leste no Austrália hodi enkoraja aliañamentu", lee iha relatóriu. “Maski Woodside kontinua envolve iha dezenvolvimentu Greater Sunrise, maibé importante atu Governu rua konkorda iha rejime legál ida, regulatóriu no fiskál aplikável ba rekursu refere”, hatutan.

Iha fulan hirak ikus ne’e Woodside aumentan tan ninia presaun kona-ba Dili no Kamberra hodi rezolve akordu iha negosiasaun kona-ba fronteira maritimu, hanesan problema ida ne’ebé afeta projetu Sunrise.

Durante aprezentasaun kona-ba rezultadu anuál 2014, iha fulan fevereiru, responsável hosi petrolífera australiana, Peter Coleman haktuir ona katak difisil atu kontinua fó justifikasaun kona-ba gasta osan nomós tempu ba iha projetu Sunrise, pelumenus ba prazu badak, até konsege iha regulatória serteza kona-ba projetu refere.

“Molok atu hakat ba pasu tuir mai, ami presija hatene ami atu selu renda ba see. Oras ne’e daudaun ami ladauk hatene kuadru regulatóriu maka ida ne’ebé, lahatene kuadru fiskál maka ne’ebé no tanba ne’e maka ami labele avalia projetu ne’e no aprezenta ba kompardór sira hanesan projetu ida ne’ebé viável hodi hamonu sira-ninia laran”, deklara.

Komentáriu hosi Coleman no haree ba faktu katak empreza ne’e hasai ona Sunrise hosi lista projetu kresimentu nian ida to’o 2019, sira interpreta hanesan desizaun implísita hodi “suspende” kona-ba projetu ne’e.

Hosi kestaun sira hotu maka Tratadu/akordu kona-ba Determinadu Ajuste Marítima iha Tasi Timór (CMATS) ne’ebé Timor-Leste fó sai katak laválida tanba atividade espionajen hosi parte Austrália, maibé ne’ebé “royalties” hosi kampo ho pés kúbiku 5.1 gás Sunrise nian sei fahe iha klaran entre nasaun rua.

Karik defini ona kona-ba problema fronteira maritime maka kampo ne’e bele totalmente halo parte iha tasi Timór.

Problema ida tan maka atu harii unidade prosesamentu hosi gás Naturál Liquefeito (GLN) iha kosta sul Timór, hanesan opsaun ida ne’ebé Governu nunka atu dezisti no insisti katak Dili maka baratu liu.

Haktuir hikas fali katak projetu Greater Sunrise kontrola hosi Woodside (operadór ho 33%) ne’ebé soma ho ConocoPhillips, Royal Dutch Shell no Osaka Gas.
Find Me On Facebook

KOK fó ultimatu ba Mauk Moruk ho ninia grupu

Komando Operasaun Konjunta (KOK), Maubuti fó ona ultimatu durante loron tolu ba grupu Konsellu Revolusaun Maubere (KRM) atu entrega-aan, tuir informasaun hosi Suara Timor Lorosa’e. 

Komando jerál hosi Polísia Nasionál Timor-Leste (PNTL), komisáriu Júlio Hornay dehan katak fó ona orden operasaun atu Mauk Moruk ho ninia elementu sira kopera ho justisa.

“Ha’u sente ami tenke esperta atu nune’e sidadaun hothotu bele hakruuk no respeita ba lei, tanba ne’e maka ami husu ba Mauk Moruk ho ninia grupu atu koopera”, dehan Júlio Hornay.

Nia mós hatutan tan katak elementu hosi grupu refere tenke entrega-aan tanba fó ona ultimatu. 
Facebook

Timor-Oan Sira Tenke Jere Didi’ak Orsamentu Ne’ebé Estadu Aprova

Primeiru ministru Rui Maria de Araújo husu ba timor-oan sira atu jere didi’ak orsamentu ne’ebé Estadu aprova ho lolos, tuir informasaun hosi Suara Timor Lorosa’e. 

@SAPO TL

“Orsamentu ne’ebé Estadu aprova ita hotu nian. Karik ita uza laho lolos ka lakuidadu, maka sei fó impaktu negativu ba dezenvolvimentu nasaun nomós ba ita-aan rasik”, dehan xefe Governu.

Primeiru ministru hatutan tan katak oan no beioan sira maka sei sofre iha futuru karik ema hothotu lakohi atu serbisu ho lolos no esforsa-aan, tanba ne’e maka tenke fó garantia ida ba jerasaun foun sira hahú agora.

Iha parte seluk, peskizadór hosi organizasaun la’os-governamentál Luta Hamutuk, Elio Pereira Guimarães rekomenda ba xefe Governu atu kumpri ninia promesa hodi hamenus orsamentu retifikativu.

SAPO TL ho STL 
Tuir Hau Iha Facebook

Projeitu ho Miliaun $10 iha Ministeriu Estatal Muda ba Ministeriu Foun

Dili, Dekretu lei numero 6/2015 decide tiha ona hodi muda sai osan ho montante miliaun $10 husi Projeitu Programa Nasional Dezenvolvimentu Suku (PNDS) ne’ebe durante ne’e Ministeriu Administrasaun Estatal no Ordenamentu Teritoriu (MAEOT) ba fali iha Planeamentu Investimentu Estratejiko hafoin remodelasaun iha fulan Febreiru 2015 ne’e.

Direitur Geral De Dezenvolvimento Local  iha MAEOT, Miguel Pereira de Carvalho hateten  VI Governo konstituisional aprova ona dekreto lei 6/2015 ne’ebé deside PNDS jere fali iha Ministeriu Planeamento Investimento Estratejiko nia okos, ne’be lidera husi Eis Primeiru Ministru, Kay Rala Xanana Gusmao.

“Parlamentu Nasional iha Dezembro 2014 aprova orsamentu hamutuk miliaun $ 18 atu finansia subsidio infraestrutura PNDS iha suku 442 maibé iha orsamentu ratifikativo VI Governo Konstituisional hamenus tiha miliaun $ 8 agora hela deit miliaun $ 10 ne’ebé mak aloka no transfere ba públika ba programa PNDS no projeito komunitario 202 suku ne’ebé asina ona kontrato ho Governo” Miguel haktuir.

PNDS hahu iha 2013 implementasaun ho piloto iha suku 30 fase primeiru hahu iha 149 kada suku aloka orsamentu kuaze dolar rihun lima nulu ($50.000) dolar amerikanu. (Jinha &Ade/CJITL)